Prinsessuafmæli

Það var merkisdagur hjá okkur í gær. Þórdís, litla kraftaverkið okkar, varð fimm ára í gær. Og það var að sjálfsögðu afmælisveisla í tilefni dagsins

Afmæliskórónan var sett upp strax um morguninn

Svo sungum við afmælissönginn fyrir hana og færðum henni gjafir. Hún fékk ljós til að setja fyrir ofan rúmið sitt, sem hún hefur lengi látið sig dreyma um. Eydís naut líka góðs af þessu og fékk líka pakka

Svo byrjaði veislan klukkan tvö og þá hrönnuðust upp gjafirnar svo Þórdís hafði varla undan að opna og skoða. Eydísi finnst svo gaman að taka upp pakka, að áður en nokkur varð var við, þá var hún byrjuð að taka upp pakkana fyrir systur sína  Henni er alveg sama hver á pakkann, hvort það er hún eða einhver annar, hún elskar að opna þá. Þórdísi var alveg sama, en þegar allir fóru að hlæja að litla dýrinu, þá tók hún það eitthvað til sín og varð hálf sár  en minntist ekki á það fyrr en um kvöldið.

Allir spenntir að skoða

Prinsessan og afmælisgestirnir sestir til borðs

Svo var sungið og blásið á kertin. Ég bakaði prinsessuköku að ósk prinsessunnar  

Ein afmælisgjöfin var prinsessuútbúnaður sem sló í gegn hjá minni, það eru kóróna, veski, veldissproti og hælaskór

Hún ljómaði eins og sólin þegar hún var komin í þetta  Og hún var ekki í vandræðum með hælaskóna, gekk um á þeim eins og hún hefði gert það alla daga. Þetta er eitthvað í genunum... 

Svo fóru nokkrar af stelpunum út á verönd að leika, voða gaman hjá þeim

Svo var farið í leiki inni. Það hefur aldrei verið jafn "þögult" barnaafmæli á mínu heimili áður. Þau voru ótrúlega góð að leika saman þrátt fyrir að þau væru tólf undir 6 ára aldri.

Guðni og Biggi saddir og sælir

Eins og ég sagði, þá var ótrúlega róleg og þægileg stemmingin. Hér er gestunum farið að fækka og þeir láta fara vel um sig, Benni og Rabbi.

Þórdís fékk náttföt í afmælisgjöf, merkt "nurse", en hún ætlar greinilega ekki að verða hjúkka, "þetta eru læknisföt" segir hún alveg harðákveðin. Mér finnst skondið að sjá muninn á tímanum sem er núna eða þegar ég var smástelpa. Mér hefði sennilega aldrei dottið í hug að verða læknir, hefði örugglega haldið að það væri bara fyrir stráka!

Hér er svo læknirinn á leið í rúmið sitt, ánægð með daginn sinn  

Lögst undir nýju stóru sængina sem hún fékk frá ömmu og afa. Ég er farin að öfunda dætur mínar af sængunum þeirra, hehe, mamma er algjör snillingur í að velja gæðasængur. Ætla sko örugglega að fá mér eins sæng við tækifæri.

En svo var hún fljót að sparka fínu sænginni af sér þegar hún var sofnuð  Hér sefur hún svo með læknahamarinn og sprautuna í höndunum, og með dót hjá sér sem hún fékk í afmælisgjöf  Ég var svo syfjuð í morgun þegar hún vakti mig. Hún vildi endilega fá mig inn í herbergi að leika með allt nýja dótið sitt. Ég fékk því flotta Hollywood meðferð hjá henni, förðun, hárgreiðslu og fína læknisþjónustu  Og enn eitt árið þá bakaði ég sautján tertum of mikið, eða þannig. (þeir hafa örugglega haldið í búðinni að ég væri að fara í eggjakast, þegar ég keypti 50 eggin) En ég sit allavega uppi með fullan ísskáp af tertum. Færði nágrönnum tertur í gærkvöldi og bauð þeim í kaffi í dag, dagur tvö í afmælisáti. Restin fer í frystinn, verður fínt að eiga það í aðventunni.

Knús og kram á ykkur

 

Athugasemdir

[Jónína Dúadóttir, 10.11.2008 kl. 05:43]

Til hamingju með litlu fallegu prinsessuna þína mín kæra

[Sigrún Þorbjörnsdóttir, 10.11.2008 kl. 09:55]

Takk fyrir það Jónína mín  

[Ásthildur Cesil Þórðardóttir, 10.11.2008 kl. 10:48]

Innilega til hamingju litla prinsessa, en hvað ég kannast við sumt þarna, eins og að hafa gaman af að taka upp pakka og svoleiðis  Skemmtilegar myndir, og það hefur aldeilis verið fjör, Hanna Sól hefði verið aldeilis sæl með að fá svona prinsessuföt, skó og alles.  En hún er búin að panta þetta allt fyrir afmælið sitt og gott betur.  Ég fæ ef til vill uppskriftina að prinsessukökunni, hún vill nefnilega 7 bleikar prinsessukökur  En hún gerir sig örugglega ánægða með eina ef hún er vel skreytt. 

Takk fyrir að leyfa okkur að koma í afmælið Sigrún mín.

[Sigrún Þorbjörnsdóttir, 10.11.2008 kl. 12:36]

Takk fyrir Ásthildur mín og það er bara gaman að "fá" ykkur með í afmælið  Það er ekkert annað! Bara 7 bleikar prinsessukökur, hahaha. Er það kannski ein fyrir hvern hvolp sem hún vill fá?  Það er minnsta mál að gefa þér uppskriftina. Og þetta með pakkana, það var algjört bíó að fylgjast með Eydísi um síðustu jól. Hún var í akkorði og hljóp á milli allra og bauð fram aðstoð sína  Gaman að þessu krílum.

[Ragnhildur Jónsdóttir, 10.11.2008 kl. 15:05]

Hjartanlegar hamingjuóskir! mikið hefur þetta verið gaman. Það skín hamingja úr öllum andlitunum á öllum myndunum hjá þér

Knús og kveðjur til ykkur grindjánafjölskylda

[Tiger, 10.11.2008 kl. 16:51]

Frábærar myndir eins og alltaf! Það er greinilega gaman hjá prinsessunni og öllum hinum - enda bara gaman að eiga afmæli og fá ósköpin öll af kökum og gúmmilaði, tala nú ekki um gjafirnar sko!

Til hamingju með stúlkuskottið þitt ljúfust ..

Knús og kram á ykkur öll og góða viku framundan!

[Sigrún Þorbjörnsdóttir, 10.11.2008 kl. 19:07]

Ragnhildur og Tiger; Kærar þakkir. Það er bara fjör og gleði í prinsessuafmælum  Knús og kram á ykkur

[Helga Magnúsdóttir, 10.11.2008 kl. 21:01]

Til hamingju með prinsessuna.

[Matthilda M. Eyvindsd Tórshamar, 11.11.2008 kl. 14:38]

Til hamingju með litla kraftaverkið þitt.

[Sigrún Þorbjörnsdóttir, 11.11.2008 kl. 17:59]

Helga og Matthilda; þakka ykkur kærlega fyrir