Hönnunardagar

Ég var í búð um daginn að kaupa lopa í peysu. Þórdís var með mér og rak augun í skærbleikan neon litaðan lopa. Hún vildi ólm kaupa hann og bað mig um að prjóna veski handa sér úr honum. Hún sagðist skyldu teikna upp veskið og svo ætti ég að prjóna það  Ég gat ekki annað en keypt lopann og þegar heim var komið var strax hafist handa við að hanna veskið.

Þetta er reyndar ekki upprunalega hönnunin. Þessi hönnun er eftir Eydísi, ein af mörgum sem hún gerði  

Hér er veskið hennar Þórdísar. Búið að þæfa lopann.

Hér er svo Þórdís yfirhönnuður, svaka ánægð með veskið sitt  

Hér er Eydísar veski. Hún var alveg ákveðin hvernig hún vildi hafa sitt veski. Skrautið er sérvalið af henni og saumað í nákvæmlega eftir hennar óskum  

Það er ekkert smá flott að eiga svona fínt veski. (það er miklu meira neon litað heldur en sést á myndunum) Svo pæjast þær með þetta með sér á leikskólann og hvert sem við förum  

Ætli Dorrit Engill hafi valið sér þetta fyrir veski?

Hún elskar að dröslast með stelpunum í öllu  

Kvöldkúr  

Það er greinilega komið vor. Það var svo hlýtt í gær þegar við vorum í pottinum.

Þórdís pottormur í fullu fjöri

Hér eru þau svo farin að tálga trjágreinar, Hafþór og Þórdís. Spennó!

En það er líka fleira sem er komið á hönnunarstig. Herbergið hennar Eydísar er pínulítið. Við höfum stundum spáð í að gera breytingar hér heima. Forstofan hér er risastór með stórum gangi inn af, sem er fyrir framan lítið herbergi. Þar langar okkur að stækka herbergið og breyta innganginum inn í íbúðina. Það þarf reyndar að fórna gestasnyrtingunni fyrir þetta, í bili allavega. Steini trúir mér ekki að hann muni vilja hafa tvö baðherbergi þegar stelpurnar eldast  ég ætla að minna hann á þetta eftir nokkur ár, híhí.

En sem sagt við vorum að ræða þetta eitthvað í fyrradag, og án þess að stelpurnar heyrðu til. Ég skrepp í búðina og þegar ég kem heim fæ ég þær fréttir hjá Þórdísi að pabbi hennar sé að fara að gera nýtt herbergi handa þeim. Svo þá er ég hrædd um að við verðum að haska okkur í þetta verk fyrr en seinna, því Þórdís mun sjá til þess að pabbi hennar fái engan frið. Hún er jú búin að bjóða öllum vinum sínum í innflutningspartý

Ég óska ykkur öllum gleðilegra páska. Hafið það gott elskurnar.

 

Athugasemdir

[Ásthildur Cesil Þórðardóttir, 8.4.2009 kl. 08:50]

AÆdeilis flott veski sem þú hefur búið til fyrir stelpurnar og gaman að þær skuli sjálfar hafa haft hönd í bagga, eða auðvitað hannað þetta alveg sjálfar, þær verða einhverntímann góðar.   Ég er alveg sammála þér um þetta með baðherbergin og börnin   FLott hjá ykkur að komast í pottinn.  Og gaman að vinna að því að breyta og fá stelpunum stærra og betra herbergi. 

[Ragnhildur Jónsdóttir, 8.4.2009 kl. 17:56]

Frábær veski! þessar stúlkur þínar eru snilldarhönnuðir, það er alveg greinilegt Þú ert ekki lengi að þessu kona! og krafturinn í ykkur að fara að breyta og laga. Þið eruð æðisleg

Það er svo dásamlegt að sjá hvað þessi litla kisa hún Dorrit Engill lenti akkúrat á réttu heimili fyrir sig yndislegt. Hafið það gott öllsömul. knús

[Sigrún Þorbjörnsdóttir, 8.4.2009 kl. 20:03]

Ásthildur mín; takk  þær vita sko alveg hvað þær vilja, og já, þær verða góðar einhvern tímann  Haha, það verður örugglega ekki langt að bíða þar til Steini þarf að dansa fyrir framan baðherbergið á morgnana  En þá verður bara sett annað baðherbergi. Hef alveg nóg pláss fyrir það, kostar bara meira vesen að færa það þangað núna. Það bíður bara þar til sumir átta sig  Mér finnst bara skemmtilegra að þær fái báðar stórt herbergi fyrst það er í boði. Þetta eru náttúrulega dúllurnar mínar og ég geri allt til að láta fara vel um þær  

Ragnhildur mín; takk. Þetta er alfarið þeirra hugmynd, ég fékk bara að útfæra það og sjá um framkvæmdina  Þessar framkvæmdir hafa verið draumur lengi. Var eiginlega búin að fá nóg í bili..en ég virðist aldrei geta hætt  

Dorrit Engill er bara voða ánægð og passar vel hér inn. Hún elskar stelpurnar og þær hana, og auðvitað við líka. Simbi elskar hana líka, hann er bara ekki eins mikið fyrir að sýna það  Annars eru þau alltaf að verða betri vinir, eru saman úti að leika og elta okkur bæði á leikskólann á morgnana  

[Jónína Dúadóttir, 9.4.2009 kl. 07:12]

Flott veski ! Þið eru æðilslegar

Gleðilega páska mín kæra

[Jónína Dúadóttir, 9.4.2009 kl. 07:14]

Ég biðst afsökunar á einu auka L-i sem læddist þarna með

[Sigrún Þorbjörnsdóttir, 9.4.2009 kl. 08:44]

Takk Jónína mín. Þú ert æði  Gleðilega páska

[Helga Magnúsdóttir, 16.4.2009 kl. 18:02]

Flottur hjá þér heimilisiðnaðurinn. Þær vita hvert þær eiga að snúa sér, dömurnar.