Allt er fertugum fært

Þegar ég vaknaði í morgun, spratt ég fram úr rúminu og skaust inn á bað. Ég leit í spegilinn. Bjóst við að sjá virðulegt andlit þroskaðrar konu, en eina sem ég sá var sama stelpuskottið og var í speglinum í gær. Það hljómar furðulega, en í gær var ég þrjátíu og eitthvað en í dag er ég komin á fimmtugsaldurinn  Sumir sem ég þekki hafa verið afskaplega viðkvæmir fyrir því að verða fertugir. Því er eiginlega þveröfugt farið með mig. Mér finnst frábært að eldast. Lífið hefur kennt mér það, að meðan við eldumst, þá fáum við að lifa. Og það er gaman að vera til og fá að njóta alls þess sem lífið hefur uppá að bjóða. Ég ætla ekki að halda neina formlega veislu í tilefni dagsins. En ég ætla að vera heima og það verður bara opið hús fyrir þá sem vilja líta inn og fá sér kannski tertusneið og eitthvað gúmmulaði. Afmælisgjafir eru alveg óþarfar en ég þigg alveg knús og kreist og fullt af kossum og faðmlögum

Ég verð ekkert í felum í dag. Ætla bara að hafa það kósí. Knús á ykkur

Athugasemdir

[Jóhann Elíasson, 19.10.2008 kl. 11:27]

Til hamingju með þennan merka áfanga.  Megi gæfa og gott gengi einkenna framtíð þína.

[Sigrún Þorbjörnsdóttir, 19.10.2008 kl. 12:14]

Kærar þakkir Jóhann

[Matthilda M. Eyvindsd Tórshamar, 19.10.2008 kl. 12:51]

Innilega til hamingju með þennan áfanga. Ég er svo innilega sammála þér með þetta að fá leyfi til að eldast. Lífið er yndislegt.

[Ragnhildur Jónsdóttir, 19.10.2008 kl. 13:26]

Hjartanlegar hamingjuóskir!!! Auðvitað er bara betra að verða eldri og svo er "allt fertugum fært"

Til lukku og njóttu dagsins! ég sendi þér afmælisknús rafrænt

[Sigrún Þorbjörnsdóttir, 20.10.2008 kl. 17:55]

Takk fyrir kveðjurnar, Matthilda og Ragnhildur. Rafrænt knús móttekið  

[Ásthildur Cesil Þórðardóttir, 21.10.2008 kl. 11:35]

Sigrún mín þú átt langt í land, ég er komin á sjötugsaldurinn og enn á uppleið  fertug, þá ertu rétt að verða þroskað stelpuskott hehehe... Innilega til hamingju með afmælið og knús og kram

[Sigrún Þorbjörnsdóttir, 21.10.2008 kl. 11:58]

Þroskað stelpuskott, hehe, allavega eitthvað í áttina. Takk Ásthildur mín, ég stefni að því að verða jafn spræk og þú þegar ég verð komin á sjötugsaldurinn  

[Tiger, 21.10.2008 kl. 16:26]

 Hey sko .. til hamingju með þennan áfanga! Ég er sammála þér - elska að eldast og þroskast. Mér finnst æði að fara yfir hvert aldursárið fyrir sig og gleðst ætíð þegar ég hugsa um það - Yeah - mér tókst það - enn eitt árið að baki og ég lifandi og heilbrigður, get labbað og hlaupið - sé ennþá og er enn með sama hárið - mínus tvö hár - og þannig hlutir ...

Fullt af ammmælis knúsum og kreistum ...

[Sigrún Þorbjörnsdóttir, 21.10.2008 kl. 17:52]

Takk TíCí minn. Svo fer það að verða þannig, að í staðinn fyrir þessi tvö sem hverfa af höfðinu vaxa önnur fjögur út úr eyrunum