Skápadagur og heimsókn

Börnin spretta svo hratt að það er nauðsynlegt að tæma skápana öðru hvoru og sortera föt. Ég er búin að taka skápana þeirra í gegn í dag. Föt af Þórdísi eru komin inní skápinn hennar Eydísar og svo áttu þær slatta af nýjum fötum sem biðu eftir að þær pössuðu í þau, sem eru komin í gagnið núna. Það vill svo til að engin stelpa hefur fæðst í fjölskyldunni eftir að þær fæddust. Það eru allt strákar sem hafa fæðst á eftir þeim. Ég var á sínum tíma komin með föt í tonnatali sem ég var að vandræðast með. Þá fann ég konu sem vantaði föt á dóttur sína sem er aðeins yngri en Eydís. Hún hefur verið áskrifandi að fötum hjá mér og fær sem sagt eina sendingu núna  

En amma og afi komu í heimsókn og það þurfti að sprella heilmikið og sýna smá fimleika.

Hér er afi að reyna að fara í splitt

Þrátt fyrir aðstoð tókst ekki að koma afa í splitt  

Svo var reynt að stilla upp fyrir fimleikamynd  

Eydís sprellaði með afa

Það er ekki erfitt að fá afa með í sprell

Á meðan voru Þórdís og amma að lesa

Svo þurfti að sýna smá æfingar áður en amma og afi fóru. Hér er Þórdís í handstöðu.

Og Eydís komin í handstöðu líka.

Það vafðist nú ekkert fyrir afa að standa á höndum  en ég er ekki viss um að þessi aðferð hafi alveg verið samþykkt... 

En þær systur eru voða góðar að leika sér saman. Þær hafa heilmikinn félagsskap af hvor annarri og það er alveg jafnræði á milli þeirra í leiknum. Þær skiptast alveg á að ráða og hafa frumkvæði. Smá slagsmál inn á milli, en það væri held ég ekki eðlilegt ef það gerðist ekki. Ég vil meina að það styrki bara systrakærleikann

Athugasemdir

[Helga Magnúsdóttir, 28.9.2008 kl. 18:24]

Gaman fyrir krakka að eiga afa og ömmur. Við hjónin vorum orðin svo roskin þegar Úlfar okkar fæddist að hann á engan afa og enga ömmu.

[Ásthildur Cesil Þórðardóttir, 29.9.2008 kl. 10:44]

Það hefur aldeilis verið fjör hjá ykkur, ég skellti upp úr við myndina þar sem afi setndur á höndum.   En mikið er gott þegar systkini leika sér saman og eru vinir.  Það er mikilvægt fyrir okkur uppalendur að þau séu félagsskapur hvort fyrir annað  Knús á þig mín kæra og takk fyrir þessar skemmtilegu myndir.

[gudni.is, 29.9.2008 kl. 11:27]

Hahahahah.... gaman að sjá pabba í fimleikum...!

[Sigrún Þorbjörnsdóttir, 29.9.2008 kl. 13:43]

Helga: Ömmur og afar eru ómetanleg. Ætli við höfum ekki verið á svipuðum aldri að eignast börn...ég var 35 þegar eldri stelpan fæddist. Ekki samt alveg tilbúin að segja að ég hafi verið "roskin" mundi frekar vilja segja "þroskuð"  en ég er elst af mínum systkinum og mínir foreldrar ungir.

Ásthildur: Já, fimleikar eru greinilega fyrir fólk á öllum aldri  Ég var heppin að Eydís skildi fæðast líka, því í rauninni áttu hvorug þeirra að geta orðið til. Þórdís var algjört kraftaverkabarn og svo fékk ég annað kraftaverk  Mér finnst frábært að þær hafi félagsskap af hvor annarri og enn betra að það sé ekki alltaf önnur sem ráðskist með hina. Knús á þig líka.

Guðni: Ég var að spá í hvort ég eigi ekki að gera pabba að heiðursfélaga fimleikadeildarinnar...