Kátar skvísur

Stelpurnar hafa beðið í allt sumar eftir að fimleikarnir byrji aftur. Þær voru orðnar óþreyjufullar, því þær vissu að allt væri byrjað. Svo loksins kom röðin að þeim í gær.

Komnar í búningana og á leið á æfingu. Þær fara strax eftir leikskóla á æfingu, og Eydís kom heim máluð eins og kisa og vildi fara svoleiðis á æfinguna. Hún er eins og kisurnar, alveg kattliðug.

Sjáðu mamma, við erum alveg beinar og fínar fimleikastelpur  Þær voru svo spenntar að þær vissu varla hvernig þær ættu að vera, skoppuðu bara um allt af kátínu  

Hér er Þórdís á æfingu. Eydís þarf að bíða eftir næsta tíma, þá er hennar æfing. Ein lítil skotta "smyglaði" sér með á æfinguna. Hún verður sko alveg tilbúin þegar hún kemst inn, sem verður eftir áramót.

Þetta er alveg rosalega gaman

Svo þarf að æfa sig á jafnvægisslánni. Það er allt orðið fullt hjá okkur í fimleikunum, komin yfir hundrað börn sem æfa hjá okkur tvisvar til fjórum sinnum í viku.

Kristinn blaðamaður kom færandi hendi til okkar í gær. Hann gaf fimleikadeildinni mynd sem hann var búinn að stækka og prenta á plötu. Hér er hann að sýna okkur myndasyrpu sem hann hefur verið að taka af fiskveiðum og vinnslu á fiski.

Svo er það kvöldmaturinn í kvöld. Hakk og spaghetti alltaf jafn vinsælt hjá smáfólkinu.

Og þetta þarf maður að borða með öllu andlitinu  

Stóra systir örlítið penni

Smekkir eru löngu hættir að vera notaðir á þessu heimili, en einhverra hluta vegna fannst henni nauðsynlegt að fá smekk núna, annars yrði hún svo skítug  Þær voru þreyttar og sælar eftir daginn, dagur tvö hjá þeim í fimleikum þetta haustið  

 

Athugasemdir

[Matthilda M. Eyvindsd Tórshamar, 20.9.2008 kl. 11:23]

Litla mín beið líka óþreyjufull eftir að fimleikarnir byrjuðu aftur. Núna er hún búin að vera í fimleikum í tvær vikur og er alveg himinlifandi.

[Ásthildur Cesil Þórðardóttir, 20.9.2008 kl. 15:48]

Vá hvað þær eru flottar stelpurnar í fimleikabúningunum, og skemmtilegar myndirnar.  Það er eitthvað annað en Ásthildur, hún neitar alfarið að nota smekk, hvað sem á gengur, hún harðneitar líka að hafa sundkúta þegar hún fer í laugina.  Knús á þig og ykkur öll inn í helgina Sigrún mín.

[Sigrún Þorbjörnsdóttir, 20.9.2008 kl. 20:12]

Já, fimleikarnir heilla mínar alveg rosalega. Hehe, ég sé Ásthildi fyrir mér að stjórna, held að hún og Eydís séu svipaðar týpur  Kannast líka við þetta sundkútaleysi. En þær eru orðnar betri með það núna, vilja frekar vera með kútana núna. Knús á ykkur.

[Ásthildur Cesil Þórðardóttir, 21.9.2008 kl. 15:02]

Já hahaha ég hugsa að það yrði dálítið rifist ef þær tvær ættu að leika sér saman

[Helga Magnúsdóttir, 22.9.2008 kl. 13:01]

Flottar stelpur sem þú átt og greinilega upprennandi fimleikastjörnur.