Prinsessan og spariskórnir

Það varð heilmikið drama í fjölskyldunni um daginn. Við vorum á leið í afmæli þegar uppgötvaðist að spariskórnir hennar Þórdísar voru orðnir of litlir. Aðrir spariskór sem hún átti voru einhverra hluta vegna allir í mold sem ekki var hægt að þrífa af, því skórnir voru svona glimmerskór og allt fast í glimmerinu. Hún var alveg ómöguleg yfir þessu. Skódama eins og hún getur ekki verið þekkt fyrir að vera ekki rétt skóuð  og þar sem við vorum á leið í heimsókn til Öldu á sunnudaginn, var ekki annað hægt en að skella sér í skóferð í Smáralindina á laugardaginn. Eydís sagði ekki orð á meðan Þórdís valdi og mátaði réttu skóna. Ég spurði hana svo hvort hún vildi líka skó og hún jánkaði því strax og gekk beint í hilluna með skóm sem hún var greinilega búin að velja sér í huganum.

Eydís komin heim með nýju skóna sína, voða ánægð

Og Þórdís komin í sína skó. Þær hafa alveg sína skoðun hvaða skó þær vilja og völdu sjálfar.

Sætar systur saman

Svo rann upp sunnudagurinn. Þær fóru í bað áður en við fórum í bæinn. Hilmir var kominn í heimsókn, og auðvitað fór hann bara í bað líka.

Hér erum við komin til Öldu mágkonu. Þangað fer ekki Þórdís nema í sínu fínasta pússi  og hér er Alda eitthvað að dekstra þær.

Þórdís með Öldu sinni. Hún er án efa uppáhaldsfrænka hennar. Hún ætlar að verða söngkona eins og Alda, enda var gantast með það á fæðingardeildinni þegar hún fæddist, að hún yrði örugglega sópransöngkona. Hún yfirgnæfði öll önnur börn á spítalanum, og jamm, það heyrist víst vel í henni ennþá

Og það var einmitt Alda sem tók á móti Eydísi þegar hún fæddist

Hér eru frænkurnar saman. Þórdís, Alda, Eydís og Linda, dóttir Öldu. Það var alveg sérstök stund, og Þórdís rifjar það oft upp, þegar hún lokaði sig inni í herbergi með Öldu og fékk að skoða alla fínu spariskóna hennar. Hún á ekki langt að sækja skódelluna sína, þetta kom allt með genunum

Takk fyrir yndislegan dag í gær Alda mín

Bestu kveðjur til ykkar

Athugasemdir

[Matthilda M. Eyvindsd Tórshamar, 2.9.2008 kl. 18:34]

Auðvitað verða prinsessur að eiga alvöru prinsessuskó.

Mætti ég fá "lánaða" hugmyndina að Hello Kitty húfuni, sem ég sá hérna á síðunni þinni? Geri ráð fyrir að þú hafir prjónað hana.

[Sigrún Þorbjörnsdóttir, 2.9.2008 kl. 20:19]

Sendu mér mail á [e-mail] og ég skal senda þér uppskriftina. Ég skáldaði reyndar uppskriftina en er búin að telja hana út og setja á blað fyrir þig

[Ásthildur Cesil Þórðardóttir, 5.9.2008 kl. 10:20]

Það er nú líkast til að prinsessur þurfi almennilega skó.  Ekki spurning.  Gaman að skoða myndirnar þínar Sigrún mín.