Sögur úr sveitinni

Við erum búin að vera á lóðaríi undanfarnar helgar, eða þannig sko. Við eigum sumarhúsalóð í Borgarfirði og erum sum sé búin að vera uppi í lóð. Við fórum með húsbílinn okkar þangað og plöntuðum honum þar. Ég held að hann fari nú ekki í fleiri ferðir, greyið garmurinn. Steini keyrði húsbílinn og við stelpurnar fórum á Skodanum á eftir. Það var nú ekkert auðvelt að koma honum alla leið upp í Borgarfjörð. Það bara hvarf allt í svartan reykjamökk á eftir honum  og sumir sem við mættum eða tóku fram úr hafa örugglega hugsað einhverjum þegjandi þörfina   Við stelpurnar keyrðum á eftir svarta skýinu og hægðum reglulega á okkur til að minnka mengunina yfir okkur, en þegar við nálguðumst Kleppjárnsreyki ákvað ég að stoppa og viðra okkur. Steini var fljótur að átta sig og hringdi til að vita hvort ég vildi ekki lengur kannast við að þekkja hann, hehe  En við náðum að koma bílnum alla leið og þar verður hann í sumar. Hann er ekkert augnayndi, en hann heldur vatni og vindi og þar getum við sofið og eldað. Og þar að auki er enginn Glitnir að íþyngja manni neitt því hann kostaði varla neitt  Þórdísi og Eydísi finnst bara æði að vera í sveitinni og spyrja endalaust hvenær við förum næst uppí lóð

Fjörið byrjaði strax í Mosó. Steini var að athuga loftið í dekkjunum þegar hann bara hélt bókstaflega á ventlinum! En eins gott að við vorum ekki á ferðinni. Þessu var reddað fljótt.

Hér erum við mætt á svæðið og Steini strax farinn að huga að trjánum

Þessi ösp er búin að stækka helling. Fann samt ekki gömlu myndina til að bera saman

Fljótlega eftir að við mættum komu nágrannar okkar í heimsókn. Þau eru nágrannar okkar í sveitinni og hér heima  Hér er Eva mætt í kvöldkakó

Og Gvendur maðurinn hennar hér ásamt Steina

Það var heilmikið fjör að fara að sofa í húsbílnum

Hér eru Eydís og Þórdís að dunda sér með spil. Þeim finnst þetta vera algjör paradís

Svo er spennandi að hafa svona skápaklósett

Hér er svo verið að gróðursetja tré. Steini plantaði 75 öspum þessa helgi. Spurning hvort það dugar til að kolefnajafna andrúmsloftið eftir mengunina á leiðinni hingað...

Svo var náð í sand í sandkassann. Það lítur nú út fyrir að hann sé að moka beint úr skottinu, hehe

En hinn helmingurinn af skelinni var í skottinu. Þórdís ætlaði nú varla að vilja segja mömmu sinni frá því, að þau festu næstum því mömmubíl þegar þau sóttu sandinn

Flott að hafa svona sandkassa í sveitinni

Næstu helgi fórum við aftur í sveitina. Hér komum við í pissustopp hjá ömmu og afa í Mosó og tókum þessa mynd af gullregninu hennar ömmu. Þarna voru amma og afi í útlöndum og Þórdísi fannst þetta óviðeigandi; "mamma, þegar einhver er ekki heima, þá má maður ekki fara inn í húsið hans" sem er náttúrulega alveg rétt hjá henni. Hún skilur ekki hvað ég er að gera með lykil og vaða þarna inn meðan enginn er heima

Jamms. Og nú á að ferðast ódýrt í ár. Búin að selja fellihýsið og nú skal ferðast ódýrt...

...eða þannig sko. Við ákáðum að taka dúkkuhúsið líka uppí lóð.

Og hér er verið að baka sandkökur og undirbúa dúkkuafmæli

Þeim fannst þetta spennandi eldavél sem mamma þeirra notaði. Hér á að holugrilla lambalæri

Og það heppnaðist vel að venju

Hér erum við komin hinu megin við ána, hjá Hraunfossum og Barnafossi

Hildur og Biggi voru í Húsafelli með fjölskylduna og stelpurnar urðu rosa glaðar að hitta Birgir Örn frænda sinn. Það er svo gaman að skoða kynjamuninn. Hér er Birgir Örn "Hulk" og Þórdís er að reyna að apa það eftir honum. Svona stelpuútgáfa af Hulk

Gaman hjá krökkunum. Ætli hér sé verið að gera teygjuæfingar...?

Svo ein blómamynd í lokin af veröndinni hérna heima. Blómin gleðja alltaf

Athugasemdir

[Ásthildur Cesil Þórðardóttir, 4.7.2008 kl. 21:30]

Skemmtilegar myndir Sigrún mín, eins gott að hann komst alla leið á húsbílnum.   En þetta er virkilega notalegt, og ekkert stress, gott mál.  Mér sýnist krakkarnir njóta þess í botn að vera þarna.  Og þú líka elskuleg mín.  Um að gera, þetta er sko rétta afslöppunin, ekkert stress, verið hress, eins og Hemmi Gunn myndi segja.  Knús á þig frábæra kona

[Ragnhildur Jónsdóttir, 7.7.2008 kl. 00:50]

Oh en yndislegt! Það er fátt sem jafnast á við sveitina. mmmm og holugrillað mmmmm Hljómar dásamlega allt saman. 

[Sigrún Þorbjörnsdóttir, 7.7.2008 kl. 21:18]

Já það er rétt hjá þér, Ásthildur mín, þetta er sko rétta afslöppunin. Knús til þín

Ragnhildur mín, sveitin er dásamleg og "slurrrrp" hlakka til að grilla svona næst. Knús á þig

[gudni.is, 8.7.2008 kl. 13:18]

Frábær færsla hjá þér systir kær og frábærar myndir.   Mmmmmmm hvað mig hlakkar til að mæta fljúgandi á minni flugvél í holugrillsteik til ykkar sem fyrst. Ég varð bara svangur núna við að sjá myndirnar og að hugsa til þess að hafa fengið grillsteikarboð til ykkar í sveitinni...

Knúskveðja til ykkar allra

[Sigrún Þorbjörnsdóttir, 8.7.2008 kl. 15:33]

Já þú misstir af miklu, brói minn  En það á alveg pottþétt eftir að holugrilla fleiri svona steikur í sumar, og þú færð örugglega boð um að mæta. Þú hefur kannski heyrt málsháttinn "Situr sveltandi kráka, en fljúgandi fær" Datt þetta bara í hug af því þú kemur fljúgandi...

Stórt knús til þín

[gudni.is, 8.7.2008 kl. 19:20]

Mmmmmm....nammmmminammmm....!!    Ég kem alveg örugglega fljúgandi á minni einka-"þotu" um hæl við næsta holu-grillsteikar-boð...!!