Gaman saman

Að horfa á heiminn með augum barna er alveg ótrúleg upplifun. Þau geta örugglega kennt okkur fullorðnu jafn mikið og við kennum þeim. Mér dettur í hug setning sem ég heyrði Húgó barnasálfræðing segja einhvern tíman, þ.e. að við ættum að segja það sem við meinum, og meina það sem við segjum.  Ég var að láta renna í bað fyrir nokkrum dögum og var að fara að baða Eydísi. Meðan ég hátta hana hringir mamma og spyr mig meðal annars hvað ég sé að gera. Ég segist vera að fara að henda Eydísi í bað og með það sama brestur Eydís í grát og segir mér að ég megi ekki "henda" henni í baðið  Það er eins gott að ég reyni að vanda betur orðalagið

Þórdís er líka dugleg að minna mann á ef maður gerir ekki allt rétt. Hún er sko femínisti framtíðarinnar. Hún tekur pabba sinn í gegn ef henni finnst hann ekki tala nógu virðulega í garð kvenna. Hún húðskammaði hann fyrir að kalla einhverja konu "kellingu"  Já, sem betur fer, þá hafa dætur mínar skap og láta ekki neinn vaða yfir sig. Það er gott framtíðarnesti fyrir þær.

Þetta er búin að vera skemmtileg helgi hjá okkur eins og vanalega. Eddi frændi kíkti í laugardagsheimsókn að venju. Hann kom með ís handa stelpunum eins og alltaf. Ég bað hann að koma bara með einn ís á mann og ég held að hann hafi verið spældari heldur en stelpurnar yfir því, hehe.

Eydís knúsar frænda sinn

Stelpurnar hafa greinilega lært eitthvað á Sjómannadaginn. Hér eru þær í koddaslag.

Svaka tilþrif

Hér eru pæjurnar komnar í "hælaskó" eins og þær segja, og það þykir flott

Svo bakaði ég skúffuköku. Mér heyrðist vera komið nýtt nafn á hana, kassaterta.

Nammi namm. Eydís sleikir út um

Og á meðan Simbi lúrði á hjónarúminu gerðist dálítið...

Sá þrífætti var ekki ánægður með það sem hann sá...

Köttur í bóli bjarnar! Eða ætti ég að segja hundur í dalli kattar! Þessi hundur kemur öðru hvoru í heimsókn. Ég veit ekkert um hann, en hann er voða ljúfur og góður...og finnst kattamatur góður

Stelpurnar eru yfir sig hrifnar af honum. Þórdís er oft að biðja um hund. Henni finnst ekki nóg að eiga bara kött!

Og hundinum fannst gaman að leika við þær. Greinilega vanur börnum þessi hundur.

Ég varð að gefa Simba smá rækjur í sárabót. Hann fylgist vel með að enginn komi og steli þeim.

Þessi sæti strákur heitir Arnar Ísak. Hann og Brynja Katrín, systir hans, koma alltaf í heimsókn aðra hvora helgi. Þau búa aðra hvora viku hjá pabba sínum og við pössum að leyfa þeim alltaf að hitta stelpurnar þær helgar, því þau eru ofsalega góðir vinir. Svo borðuðum við saman kvöldmat, sem Benni eldaði, afskaplega ljúffengt.

Vinkonurnar Þórdís og Brynja Katrín. Þórdís var ánægð með að ég skildi prjóna alveg eins kjóla handa þeim.

Hér er Arnar Ísak að raða saman dóti úr kinder-eggi. Gott að hafa einn vanan til að hjálpa sér

Og í morgun komu Hafþór og Hilmir yfir. Og að sjálfsögðu komu þeir með í pottinn. Það er alltaf fjör í því.

Hafþór sprækur

Hér er Hilmir að koma niður rennibrautina...

...og svo splash  Þetta var sem sagt heilmikið pottafjör að venju

Steini fór svo með Benna vestur í sumarhúsalóðina okkar. Hann ætlar að setja niður einhverjar plöntur þar

Stelpurnar fóru í afmæli til Tómasar Orra, sem er fjögurra ára stór strákur. Ég var eitthvað að gaufa í garðinum á meðan, þangað til þær sóttu mig og vildu fá mig með í afmælið. Ég skrapp þá yfir og fékk mér smá kaffi þar, og meiri kökur

Ávaxtastund hjá okkur stelpunum

Mmm, nammi namm  og fullt af vítamínum

Sætar kúrusystur. Þær vildu kúra aðeins áður en þær fóru að sofa

Athugasemdir

[Ragnhildur Jónsdóttir, 9.6.2008 kl. 00:35]

Æ, en yndisleg færsla. Já, þau geta sko kennt okkur ýmislegt þessi börn og við fáum alltaf beint í andlitið það sem við segjum .... helst ef það er eitthvað ekki alveg eftir uppskriftinni haha

Falleg börnin þín og vinkonan sem er eins og næstum tvíburasystir í eins kjól. Þær heppnar að þú ert svona flink með prjónana, virkilega fallegir kjólar!

[gudni.is, 9.6.2008 kl. 04:11]

Falleg og skemmtileg færsla hjá þér systir góð. Þú ert greinilega með gott blogg-blóð í æðum...

Knúskveðja frá litla bróður

[Sigrún Þorbjörnsdóttir, 9.6.2008 kl. 22:07]

Takk fyrir Ragnhildur. Mér finnst gaman að prjóna og skapa eitthvað. Það er eiginlega mín leið til að slaka á í amstrinu. Hehe, já maður hefur víst fengið sitt lítið af hverju í andlitið, haha.

Takk Guðni. Ertu að meina þetta? Verst að ég er svo löt við þetta, eins og mér finnst það nú samt gaman

Knús til þín, bestur

[Ásthildur Cesil Þórðardóttir, 13.6.2008 kl. 00:40]

Þær eru svo flottar stelpurnar þínar, og yndislegar myndir, öll börnin svo glöð og flott.  Sannarlega gott að lesa svona undir svefnin elsku Sigrún mín. Knús á þig inn í nóttina.  

[Sigrún Þorbjörnsdóttir, 14.6.2008 kl. 16:13]

Takk fyrir Ásthildur mín. Gaman að sjá þig hér.

Knús til þín líka

[Ásthildur Cesil Þórðardóttir, 15.6.2008 kl. 14:16]

[aurora (IP-tala skráð) 19.6.2008 kl. 06:14]

...'o hve lífið er yndislegt....     

[Ásthildur Cesil Þórðardóttir, 28.6.2008 kl. 12:27]

Heyrðu Sigrún vísan virkaði, það kom hellirigning í gærkvöldi og rigndi í alla nótt.

[Sigrún Þorbjörnsdóttir, 30.6.2008 kl. 21:57]

En flott að vísan virkaði Ásthildur. Ég held bara að hún geri það oftast. Ég var einu sinni eitthvað að fíflast og fór með hana...svo bara kom svaka demba sem enginn átti von á

[Tiger, 1.7.2008 kl. 19:33]

Yndislegar myndir hjá þér og stórglæsileg börn. Svo satt að börnin geta verið endalaus uppspretta af kátínu, hreinskilni og visku sem við hin eldri höfum skilið eftir þarna einhvers staðar í denn. 

Takk fyrir innlit og kvitt hjá mér og eigðu ljúft kvöldið ...

[Heiður Þórunn Sverrisdóttir, 2.7.2008 kl. 20:05]

Hæ hæ gaman að sjá þig hér á bloggi,,,lagði inn beiðni um vináttu í bloggheimum ekki nægir að búa í sömu götu.

Þær eru svo yndislegar stelpurnar þína eða ykkar ekki gott að spæla Steina .

Kveðja til ykkar frá okkur hér aðeins framar í götunni. 

[Sigrún Þorbjörnsdóttir, 2.7.2008 kl. 21:21]

Takk fyrir Tigercopper. Já, ekki vantar kátínuna og viskuna í börnin

Heiður mín, ég er búin að samþykkja bloggvináttuna. Já eins gott að spæla ekki Steina, hehe. Sjáumst svo á blogginu og í götunni

[gudni.is, 3.7.2008 kl. 03:23]

Á ekkert að fara að blogga systir góð.....?????  Það er kominn NÝR mánuður....

Kveðja frá lilta bróður og Pútín

[Sigrún Þorbjörnsdóttir, 3.7.2008 kl. 15:27]

Ha ha ha, bara verið að skjóta  Það vill nú svo til að ég var í allan gærdag að reyna að koma inn myndum. Annað hvort ég eða tölvan er eitthvað treg  En þetta hafðist nú allt saman í morgun. Ég reyni að hafa fleiri en eina færslu þennan mánuðinn...

[gudni.is, 3.7.2008 kl. 17:42]

Hmmm....hvort ætli þú eða tölvan hafi verið treg...?? Hmmmmm   Bíddu ég ætla aðeins að hugsa málið....!!!   Hahahahahahahaha